ორწყარო - ეკოაქცია - 03.04.2016

[გაბილა]

ბატონებო,

აისის ეკოკლუბი წარმატებით ემზადება 2016 წლის პირველი ეკოაქციის ჩასატარებლად. სპეცოპერაცია "ორწყაროს" დეტალები ასეთია:

ჩატარების თარიღი: ამა წლის 3 აპრილი (კვირა)

შეკრების დრო: 09:00

შეკრების ადგილი: მეტროსადგური "დელისი" (ავტობუსების გაჩერების მხარეს)

ტრანსპორტირება: სატყეოს "პიკაპი" ან/და ფეხით ლაშქრობა (დამოკიდებულია ხალხის რაოდენობაზე)

მარშუტის სიგრძე: 26კმ - რადგან მარშუტი გრძელია, დასუფთავდება მხოლოდ ის მონაკვეთი რაც მოესწრება.

აღჭურვილობა: ხელთათმანები და სანაგვე პარკები (გვაქვს)

საკვები: ერთი დღის სამყოფი (ინდივიდუალურად)

წყალი: მინ. 2 ლ.

ამინდი: მზიანი, მცირე მოღრუბლულობით 13 გრადუსი.

ტანსაცმელი/ფეხსაცმელი: ჩაიცვით მოსახერხებელი ფეხსაცმელი და წამოიღეთ ერთი ხელი თბილი რამე.

[გაბილა]

ვინაიდან შესალოა მე ფიზიკურად ვერ მოვახერხო წამოსვლა, ჩემ თავზე ვიღებ ადმინისტრაციული ტიპის ღონისძიებებს, ხოლო მარშუტზე დიდი ალბათობით იქნებიან ზარაზა ან/და BUBU

გასვლისას მოქმედი წესები:

1. იკრძალება ყოველგვარი ტიპის, სახის, რაოდენობის და მოცულობის ალკოჰოლური სასმელის წამოღება (მათ შორის ლუდის)
2. იკრძალება ლაპარაკი ისეთ თემებზე როგორიცაა: პოლიტიკა და რელიგია.
3. ვემორჩილებით ორგანიზატორის მითითებებს.
4. თუ კი ზემოთჩამოთვლილი სამივე წესი მისაღებია შეგიძლიათ წამოხვიდეთ, და/ან წამოიყვანოთ დაქალი, ძმაკაცი, ნათესავი, ახლობელი და ა.შ.

[გაბილა]

აქცია საინტერესოა, რამდენადაც პირველად ხდება გარემოსდაცვის სამინისტროსთან კონტაქტი ამ საკითხზე (ოქტომბერში გაფორმებული მემორანდუმის საფუძველზე).

ამ მომენტისთვის ერთი "პიკაპი" თავისი მძღოლითურთ გვყავს, მიდის მოლაპარაკება მეორე მანქანაზეც.

აღნიშნული მარკის "სპეცტექნიკა" საჭიროა გასავლელი მანძილის სირთულის გამო.

კიდევ ერთი სასიამოვნო ამბავი ისაა, რომ ორგანიზაციას აქვს "შემოწირულობა" ნაგვის პარკების სახით - სულ 125 ცალი. მოცულობა 120ლიტრი.
მადლობა სპონსორს

[ზარაზა]

გმადლობთ, ნიკა...

ზედმეტია იმაზე საუბარი, თუ რამდენად მნიშვნელოვანია თქვენი ჩართულობა ეკო-გასვლებში ზოგადად. ზედა ზღვარი არ არსებობს, რამდენიც არ უნდა შევიკრიბოთ, ყველას გვექნება საქმე და უფრო ხალისიანადაც ვიმუშავებთ.

რითია ეს გასვლა საინტერესო და განსხვავებული დანარჩენებისაგან??? პირველად ხდება, რომ კონკრეტულად ერთ ადგილს კი არა, თბილისის შემოგარენის დაახლოებით 20-25 კმ მონაკვეთის გზის დასუფთავებას გვეგმავთ. ეს არის სატესტო გასვლა უფრო მასშტაბური პროექტისათვის, რომელიც ითვალისწინებს (პირველ ეტაპზე) მოიცვას თბილისის გარშემო 40-კმ-იან ზონაში ყველა სალაშქრო-საფეხმავლო გზისა და ბილიკის დასუფთავება.

მოკლედ, შექმნილი სიტუაციიდან გამომდინარე და იმის მიხედვით თუ რამდენ მანქანას გამოყოფს ამ აქციისთვის გარემოს დაცვა, ვიმოქმედებთ შემდეგნაირად:

1. თუ გარემოს დაცვა გამოყოფს 2 (ან 1) პიკაპს და შეკრებილი ხალხის რაოდენობა იქნება 10-ზე (ან 5-ზე) ნაკლები, ჩავსხდებით პიკაპებში და ქალაქიდან მოვუვლით მუხათგვერდის გადასახვევამდე და ავალთ "სამოთხეში", საიდანაც დავიწყებთ გზის გასუფთავებას და შესრულდება ის მოცულობა სამუშაო, რომელსაც დავძლევთ ხალხის და მანქანების ოდენობიდან გამომდინარე.

2. თუ გარემოს დაცვა გამოყოფს 2 (ან 1) პიკაპს და შეკრებილი ხალხის რაოდენობა იქნება 10-ზე (ან 5-ზე) მეტი, შედარებით ძლიერებს ამავე პიკაპებით გადავისვრით წოდორეთის ტბასთან, საიდანაც ისინი ფეხით გააგრძელებენ გზას (წითელი ისარი) ორწყაროს მიმართულებით. მათი ამოცანა იქნება შესაძალებლად მოკლე დროში ავიდნენ ქედზე ორწყაროს მიდამოებში და დაუყოვნებლივ დაიწყონ ნაგვის მოგროვება და გზაზე გამოტანა, რომელსაც მოგვანებით მანქან-ა(ებ)ში ჩავტვირთავთ.
ამასობაში, წოდორეთის ტბიდან დავბრუნდებით ცარიელი პიკაპებით "დელისთან" და იქ დარჩენილი ხალხით ქალაქიდან მოვუვლით მუხათგვერდის ასახვევამდე და შემდეგ როგორც 1 პუნქტშია გაწერილი. ხოლო გასვლის დამთავრების შემდგომ, ის ხალხი ვინც ფეხით ამოვიდა ქედზე, ფეხითვე დაბრუნდება ქალაქში, სავარაუდოდ სოფელ დიღმის ან დიდი დიღმის მიდამოებში.



3. და გეგმა B იმ შემთხვევისთვის თუ გარემოს დაცვა არ გამოყოფს მანქანებს საერთოდ (მაინც რომ გვქონდეს გათვალისწინებული), ყველანი წავალთ მეტროთი "ისნამდე" და იქედან ფეხით ავალთ შავნაბადაზე და იქაურობას გენერალურად დავალაგებთ.

საბოლოოდ, პრაქტიკულად ყველა ძირითად შემთხვევა გათვალისწინებულია (გეგმა A ორი ვერსია და გეგმა B), ეხლა ჩვენზეა დამოკიდებული რას ვიზამთ და როგორ ვივარგებთ...

გმადლობთ თანადგომისათვის...

P.S. თემა გაიხსნება ფეისბუქზეც და ყველას გთხოვთ მაქსიმალურ ოდენობა გაზიარებას (რეპოსტს).

[BUBU]

მოვდივარ

[stranger]

+

[გაბილა]

ორი კაცი და 1 პიკაპის ხალხი გავდივართ

[გაბილა]

ბატონებო,

გვყავს ერთი პიკაპი. კვირას, 3 აპრილს 09:00-ზე მოვა დელისის მეტროსთან. ესეც საკონტაქტო ინფო: 595250903 ბაჩი

[გაბილა]

გილოცავთ ბატონებო,

გვყავს მეორე პიკაპიც )

მგონი დროა სიაც გაკეთდეს, ვინ მოდის. რომ მთლიანობაში წარმოდგენა გვქონდეს, როგორ უნდა მოხდეს გადანაწილება.

599430080 - გიორგი - მეორე პიკაპის მძღოლი. ისიც ხვალ, 09:00-ზე დელისთან იქნება.

[ზარაზა]

გვყავს მეორე პიკაპიც )

შესანიშნავია, მე მგონი კარგი ტესტი გამოვა.....

მგონი დროა სიაც გაკეთდეს,

აქ ნაკლებად ვინმე დაწერს რამეს, ფბ-ს ჩავეყლაპინეთ... )
2 პიკაპზე 20 კაცამდე მართვა თავისუფლად შეგვიძლია, იდეალური კი 8-10 კაცია...
ხალხის ოდენობის პიკი მეხუთე ზედაზენზე იყო - 27 კაცი, ასე რომ მე მგონი ნორმალ...

[Hedgehog]

მეც მოვალ

[ზარაზა]

მეც მოვალ

მშვენიერია, ზღარბო, მშვენიერი...

[changes]

მოვდივარ

[გაბილა]

აბა, წარმატებებს გისურვებთ მეომარნო. ხვალ რთული დღეა. მრავალრიცხოვან მტერთან მოგიწევთ ბრძოლა, რომელიც ძალიან დიდ ტერიტორიაზეა გაშლილი, თავისი სტრატეგიული საფარებით )

მაგრამ არც ჩვენ ვართ ჯაბანნი. სპეცტექნიკა ჩვენ მხარეზეა

გადაიღეთ ბევრი ფოტოები. გამოგვადგება ანგარიშისთვის სამინისტროსთან...

[ზარაზა]

გაბილა
ხვალ შევეცდებით გავამართლოთ თქვენი იმედები, სერ!!!... )