შავნაბადის მონასტერი 3 - დასუფთავების აქცია - 28მარტი

[გაბილა]

ბ-ნო კურსანტებო, იგეგმება მე-3 საფინალო გასვლა შავნაბადის მიმდებარე ტერიტორიის დასასუფთავებლად. წინა თემების ბმულები იხილეთ:
1. viewtopic.php?f=39&t=2151
2. viewtopic.php?f=39&t=2153

შეკრების დრო და ადგილი: 28.03.15 - 09:00 სთ. ისნის მეტროს წინ - შემდეგ ყვითელი ავტობუსით მივალთ საჭირო ადგილამდე.
ფეხით სავალი მანძილი: დაახ. 5კმ - 1სთ.
თანხა: მხოლოდ მგზავრობისთვის საჭირო 1ლ. - ხელუხლებელი მარაგი (ხემა) - 5ლ.
საკვები: ერთი დღის სამყოფი
წყალი: 1ლ. სავსებით საკმარისია

დაბრუნების სავარაუდო დრო, არაუგვიანეს 18:00სთ
შეგროვებული ნაგვის ტრანსპორტირებას უზრუნველყოფს დასუფთავების სამსახური.

გასვლისას მოქმედი წესები
1. იკრძალება ყოველგვარი ტიპის, სახის, რაოდენობის და მოცულობის ალკოჰოლური სასმელის წამოღება (მათ შორის ლუდის)
2. იკრძალება ლაპარაკი ისეთ თემებზე როგორიცაა: პოლიტიკა და რელიგია.
3. ვემორჩილებით ორგანიზატორის მითითებებს.
4. თუ კი ზემოთჩამოთვლილი სამივე წესი მისაღებია შეგიძლიათ წამოხვიდეთ, და/ან წამოიყვანოთ დაქალი, ძმაკაცი, ნათესავი, ახლობელი და ა.შ.

[ზარაზა]

28 მარტის ეკო-გასვლის ახლავს ძალიან სასიამოვნო თავისებურება. 25 მარტს სკოლა "აისში" - http://www.aisi.edu.ge/ - "ს.ო. აისის" ეკო-კლუბის გასვლითი ლექცია ჩატარდა ეკოლოგიის შესახებ და დაანონსდა ეს გასვლა შავნაბადაზე. შედეგად სკოლა "აისის" მოსწავლე-ახალგაზრდებმა ეკო-გასვლაში მონაწილეობის სურვილი გამოთქვეს.

[ზარაზა]

ჩამოვედით, კარგი იყო... (© უვარგისი)

[ირინოლა]

[ზარაზა]

გამარჯობა, ბატონებო...
გთავაზობთ, 2015 წლის 28 მარტის ეკოგასვლის ამსახველ ფოტომასალას...
გმადლობთ...

[გაბილა]

შავაბადა 3-ის ეკო გასვლამ შეიძლება ითქვას რომ სრული "ანშნანგით" ჩაიარა წინა დღისით ვფიქრობდი, რომ შავნაბადა 2-ის მსგავსად რეკორდულად მცირე რაოდენობა ვიქნებოდით, თუმცა სეხნიებმა ჩემ მოლოდინს გადააჭარბეს. მოკლე ანგარიში ალბათ ასე გამოიყურება.

მთლიანობაში ეკო გასვლაში 3 ორგანიზაცია იღებდა მონაწილეობას:

1. საზოგადოებრივი ორგანიზაცია "აისი"
2. კერძო სკოლა "აისი"
3. არასამთავრობო ორგანიზაცია "ევროპული ალიანსი საქართველო"

ყველაზე მეტი სწორედ კერძო სკოლა აისიდან იყვნენ.



ორი მასწავლებლისა და დანარჩენი მოსწავლეების შემადგენლობით.

აღსანიშნავია, რომ იყო რამდენიმე არა აისელიც

პირველი რაც უნდა ითქვას არის ის, რომ შეკრება ცოტა გაგვიგრძელდა.. სიარული დაახლოებით 09:30-ზე დავიწყეთ (გზაში "ყავა შესვენებით").

განგებ თუ შემთხვევით, ორგანიზატორებს გზა მცირედით აერიათ, და საკმაოდ რთულ აღმართზე მოუწიათ მონაწილეებს ბობღიალი





თავიდანვე გავიცანით ვინ იყო გორდელა






ადგილზე საბოლოოდ დაახლოებით საათნახევარში ავედით, დაღლილმა მონაწილეებმა მცირედით წაიხემსეს და შევუდექით მიმდებარე ტერიტორიის დასუფთავებას..

როგორც ჭკვიანმა ხალხმა თქვა, სუფთა არის იქ სადაც ნაგავი არ იყრება, და არა იქ სადაც ასუფთავებენ, ჰოდა ჩვენც ვიზიარებთ ამ იდეას



დასასუფთავებელი მართლაც რომ ბევრი იყო...

[გაბილა]

აღსანიშნავია ისიც, რომ მოხდა პირველად ახალი "შეიარაღების" გატესტვა:





ხელისშემშლელ გარემოებად შეიძლება ჩაითვალოს ნაძვის მტვერი, რომელსაც გმირულად ვებრძოდით!

[გაბილა]

აი შედეგებიც:










საბოლოო შედეგი:


უდანაკარგოდ


მონასტერში მცხოვრებმა ბერებმა თავიანთი სატვირთო მანქანაც შემოგვაშველეს, და ერთობლივი ძალებით წარმატებით დავასრულეთ ეკო გასვლა



და რა თქმა უნდა ერთი სელფის გადაღებაც მოვასწარით ნაგავთან

[გაბილა]

დასუფთავდა ტერიტორიის 99% - რადგან მისასვლელი გზების ბოლომდე გაწმენდა ვერ მოხერხდა...

შედგა პირველი ერთობლივი ეკო-აქცია კერძო სკოლის მოსწავლეებთან ერთად (და იმედია მომავალში კვლავ გავაგრძელებთ თანამშრომლობას)

გაიტესტა ახალი შეიარაღება და როგორც მოსალოდნელი იყო საჭიროებს შემდგომ დახვეწას (მაგ. სიგრძეში უნდა დავამოკლოთ..)

შავნაბადა 1-დან გზის მარჯვენა მხარეს ისევ ისეთივე სისუფთავე დაგვხვდა როგორც დავტოვეთ. მინდა ვიფიქრო, რომ მოერიდათ ნაგვის დაყრა, და ნელ-ნელა იქნებ შევცვალოთ ეს არსებული სიტუაცია (თუმცა ზამთრის პერიოდმაც თავისი გააკეთა რა თქმა უნდა).

ახალმა მონაწილეებმა შესანაიშნავად იარეს და კარგად გაართვეს თავი საბრძოლო დავალებას

[NAZGHA]

გაბილა
მშვენიერია. ნელნელა ასეთი პატარპატარა ნაბიჯებით მგონი საზოგადოებაში ერთიანი აზრი შემუშავდება ნაგვის დაყრაზე, აშკარად იგრძნობა ამის ნიშნები.

მონასტერთან თუ იყო კომუნიკაცია, დაინტერესდნენ თუ არა და დახმარება გარდა მანქანისა უშუალოდ თუ შემოგთავაზეს?

დასუფთავებულზე გაცილებით ერიდებათ ნაგვის დაყრა, ორმაგად მოერიდებათ აბრებიც რომ იყოს შესაბამისი ტექსტით. ვისაც ეგ ტერიტორია ეკუთვნის გამგეობას იმასთან რომ დაუკავშირდე რა აბრებიც ყაზბეგში ავიტანეთ მასეთების დამზადება დაჯდება ცალი 80 ლარი დაახლოებით. ხოდა გამგეობა თუ დაგვეხმარება ბარემ ეს კაი საქმე აბრებითაც დავაგვირგვინოთ.

[გაბილა]

NAZGHA

მონასტერთან კომუნიკაცია ვფიქრობ არსებობს, ადრე თურმე თვითონ ალაგებდნენ ხოლმე მიმდებარე ტერიტორიას, მაგრამ ვერ აუდიოდნენ ფიზიკურად. შავნაბადა 2-ის დროს სულ 3 კაცი რომ ვიყავით, დახმარება კი მოინდომეს ჩვენი მაგრამ შეშის საჭრელად იყვნენ წასულები და ფიზიკურად ვერ მოახერხეს.

ახლა ეს ნაგვის მანქანა შემოგვაშველეს.. მარტივად რომ ვთქვათ სულ მინიმუმ გვიცნობენ მაინც რაც სამომავლო თანამშრომლობის საფუძველია

რაც ეხება აბრებს, ეგ ტერიტორია კრწანისს ეკუთვნის, გამგებელს შევხვდი კიდეც ამ თემაზე, ძირითადად 2 საკითხი დავსვი, აბრები და ნაგვის ურნები, ჩაიწერა ჩემი მონაცემები და დაგიკავშირდებიო.. ჰოდა რა თქმა უნდა დამიკავშირდა

შეხვედრისას მითხრა რომ ნაგვის ურნები საერთოდ არ არისო საწყობში და უნდა ვიყიდოთო, გამწვანებაზეც მითხრა, რაღაც ერთი სპეციალური მანქანა (მბურღავი) უნდა ვიყიდოთ და ძალიან მარტივად ძალიან ბევრი ხის დარგვაა შესაძლებელიო.. მოკლედ იდეები და გეგმები მართლაც ჰქონდა მაგრამ...

თუმცა ვფიქრობ შეიძლება კიდევ ერთხელ მისვლა და "შეწუხება"

[NAZGHA]

გაბილა
რაც ჩვენ სანგრები გვაქ ნათხრელი რაის საბურღი მანქანა გვინდა
მაგან ნეგები და მერე მაგათი მორწყვა იკისროს და დანარჩენი ჩვენ ვიცით

[ხუცო]

კურსანტები აიყვანეთ შავნაბადაზე

[ირინოლა]

კაი იდეაა ხუცო, შენ ხომ არ გადიხარ წელს კურსს, რა გადარდებს : D

პ.ს. არა, მართლა კარგი იდეაა : ))

[ხუცო]

ასე უფრო შეისწავლით ხელოვნებას 3:) მეც მომეწონა იდეა