სკოლის ასაკის ბავშვების სალაშქრო-სასწავლო გასვლა

[Avaza]

მომდევნო კვირას (21, ან 22 სექტემბერს) მე და ძლევისკედელს გაგვყავს 9-11 წლის რამდენიმე ბავშვი ლისის ტბის მიდამოებში ერთ დღიან (სწავლება გაგრძელდება 5-6 საათი) სასწავლო გასვლაზე. რაღაც რაღაცეების ტესტირებას ვაკეთებთ.

ამონარიდი ფლაერიდან:

სწავლების მიმდინარეობა

- ლისის ტბიდან გასვლა სწავლების ჩატარების ზონაში
- შესავალი
- მოწყობა
- ქვეითის შეიარაღების გაცნობა და იარაღთან უსაფრთხო მოპყრობის წესები
- დაკვირვება ბრძოლის ველზე და საგნის აღმოჩენა (სახალისო ტესტით)
- შესვენება (15 წუთი)
- სალაშქრო ეკიპირების გაცნობა
- კოცონის ანთება და უსაფრთხოების წესები ტყეში (სახალისო ტესტით)
- სროლა პნევმატური იარაღიდან

სწავლება არ ითვალისწინებს ფიზიკურ დატვირთვას, სირბილს და სპეციალურ ეკიპირებას. გასვლას ექნება სუფთა ჰაერზე გასეირნების სახე. ამობეჭდილი სასწავლო მასალა მოსწავლეებს გადაეცემათ გასვლის დასრულების შემდეგ.

-----------

სასწავლო პროგრამა შედგენილია, სწავლების ჩატარების ზონაში რეკოგნოსცირება ჩატარებულია.

აისელების დახმარება გვჭირდება შემდეგ საკითხში, გვაკლია ეკიპირების რაღაც ნაწილი და თუ რომელიმეს გაქვთ და 1 დღით გვათხოვებთ დაგვავალებთ:

- კისტის თოფი (1 ცალი გვაქვს და მინიმუმ 1 გვინდა კიდევ). 4 ცალი იდეალური იქნებოდა.

საჩვენებლად:

- პანამა
- სალაშქრო ჭურჭელი (სამხედრო: კარდალა, ბაკლაჟკა)
- სამხედრო კომპასი
- რუქა (აისის სასწავლოც გამოდგება 2-3 ცალი)
- სამხედრო ზურგჩანთა

ყველაზე მეტად გვჭირდება კისტის თოფები ...

პ.ს. ეს გასვლა არანაირად არ უკავშირდება აისს.

[Avaza]

დამავიწყდა მიმეწერა ... სტრაიკბოლის ავტომატიც გვჭირდება (სროლისთვის არა) ... თუნდაც გაფუჭებული ...

[Hedgehog]

კარგი წამოწყებაა!

კისტის თოფი არ მაქვს, მაგრამ კომპასი შემიძლია გათხოვოთ კიდევ თუ გჭირდებათ

[Avaza]

კარგად ჩაიარა საცდელმა გასვლამ ... განუწყვეტელმა წვიმამ ხელი კი შეგვიშალა, მაგრამ ძირითადი მიზნები მიღწეულია.

[Avaza]

19 ფოტო ...

http://geo-army.ge/index.php?option=com ... 72&lang=ka

[arcivi9]

ძალიან კარგი წამოწყებაა

[Avaza]

ამოქმედდა ლეგიონის ფბ გვერდი სადაც დაიდება ყველა აქტუალური ინფორმაცია.

გთხოვთ დაგვიმეგობრდეთ და გააზიაროთ ჩვენი აქტიობები!

https://www.facebook.com/legionerebi

ლეგიონის მიმდინარე საქმიანობა

ლეგიონის ხელმძღვანელების მიერ მუშავდება და მზადდება შემდეგი საკითხები:

- დანაყოფების მეთაურთა მომზადების კურსის შემუშავება
- 1-2 დღიანი საველე გასვლებისათვის ადგილის შერჩევა თბილისთან ახლოს
- არასასწავლო ერთდღიანი აქტიობების მომზადება
- ერთდღიანი საველე-სასწავლო გასვლების თემატიკა
- 2014 წლის საზაფხულო ბანაკის დაგეგმარება
- სხვადასხვა ტიპის ანკეტების ნიმუშების შედგენა
- საველე დისციპლინარული კოდექსი
- უსაფრთხოების ზოგადი წესები
- აუცილებელი სამედიცინო პაკეტის შედგენა მეთაურებისთვის
- მეთაურის საველე ბარათის ნიმუშის შედგენა
- გასვლაზე მყოფი მოქალაქეების სტატუსის განსაზღვრა
- ლეგიონის ემბლემის და ატრიბუტიკის შედგენა
- ოფიციალური ვებგვერდის მომზადება

ინფორმაცია მიმდინარე საქმიანობის და ღონისძიებების შესახებ რეგულარულად დაიდება ლეგიონის ფბ -ზე.

[Avaza]

ლეგიონის ოფიციალური ემბლემა



https://www.facebook.com/notes/%E1%83%9 ... 9825184223

[Avaza]

ზოგადი აკრძალვები და შეზღუდვები

დამტკიცდა ლეგიონის გასვლებზე და ბანაკებში ზოგადი აკრძალვების წესი:

1). პოლიტიკაზე საუბარი და პარტიული ატრიბუტიკის ტარება.
რადგანაც ლეგიონი აპოლიტიკური ორგანიზაციაა, ჩვენს ღონისძიებებზე არ დაიშვება პარტიული ატრიბუტიკის ტარება და ვიწროპარტიული იდეების გავრცელება. „ჩვენი პარტია საქართველოა!“

2). მეთაურის კანონიერი მოთხოვნებისადმი დაუმორჩილებლობა
ლეგიონი გასამხედროებულია, ამიტომ მეთაურის კანონიერი ბრძანებისადმი ურჩობა დასჯადია.

3). უცენზურო ლექსიკის გამოყენება და სლენგით საუბარი
მსგავსი სიტყვებით საუბარი აბინძურებს მშობლიურ ენას და იკრძალება ლეგიონერებში.

4). რასობრივი, ეთნიკური და მსგავსი სახის მოჩვენებითი უპირატესობის ქადაგება
საქართველოს ყველა მოქალაქე უფლებრივად თანაბარია, ამიტომ იკრძალება სხვადასხვა ტიპის უპირატესობის ქადაგება.

5). ნებისმიერი სახის სპირტიანი სასმელის წამოღება (გარდა სამედიცინო დანიშნულებისა)
ქალაქგარეთა სალაშქრო-სამხედრო აქტიობებზე ბევრი მიზეზის გამოა დაუშვებელი ალკოჰოლის მიღება.

6). აზარტული თამაშები, მათ შორის ბანქო და დანიძლავება
ამტიპის თამაშები იწვევენ დამოკიდებულებას და დავას, ამდენად ისინი ეკრძალებათ ლეგიონერებს.

7). შინაური ცხოველის მეთაურებთან შეუთანხმებელი წამოყვანა
გასვლაზე შინაური ცხოველის წამოყვანის შესაძლებლობა აუცილებლად უნდა შეთანხმდეს გასვლის მეთაურთან.

8). ნაგვის დაყრა
სასურველია თუ საკუთარ სამშობლოს არ დავაყრით ნაგავს და განვავითარებთ ეკოლოგიურ აზროვნებას.

https://www.facebook.com/notes/%E1%83%9 ... 3791776493

[Avaza]

გენ. მაზნიაშვილის სახელობის ახალგაზრდული ლეგიონის შტაბის განცხადება

2014 წლის პროგრამის განსახორციელებლად ლეგიონს ესაჭიროება რამდენიმე მეთაური, გთხოვთ გაეცნოთ პირობებს და სურვილის შემთხვევაში დაგვიკავშირდეთ.

მოვალეობა და პასუხისმგებლობა

- მეთაურის კურსის გავლა
- საველე გასვლებზე დანაყოფების მეთაურობა
- 2014 წლის აქტიობების დაგეგმვაში მონაწილეობის მიღება
- უსაფრთხოების წესების დაცვა
- დანაყოფზე დაკვირვება, ანალიზი და ჟურნალის წარმოება

გამოცდილება და ასაკი

უპირატესობა მიენიჭებათ შეიარაღებულ ძალებში ნამსახურებ პირებს და აისის კურსდამთავრებულებს. ასაკი 20-35 წელი.

ჯანმრთელობის მდგომარეობა

კანდიდატს არ უნდა ჰქონდეს გადამდები დაავადება. ფიზიკურად და ფსიქოლოგიურად უნდა იყოს მზად დანაყოფის სამართავად.

დაინტერესების შემთხვევაში დაგვიკავშირდით: legionerebi@gmail.com

10.01.2014, თბილისი

https://www.facebook.com/notes/%E1%83%9 ... 9583619580

[Tobran]

ემბლემა ძალიან მომწონს